اقتراح ارجو الرد عليه

السلام عليكم ورحمة الله وبركاته
ياجماعه انا عندى اقتراح
ياريت نعمل قسم للنكت والفوازير
احنا فى حاجه للضحك او حتى الابتسامه
وكمان مش معقول تكون كل حياتنا على المنتدى مواضيع ويانرد عليها يامانردش
والفوازير كمان هتخلينا نفكر ونتبادل الحلول وهتدى المنتدى شكل تانى جميل
وممكن مصمم القسم ده او المشرف عليه يعمل لنا جوايز رمزيه يعنى بالالقاب وكده
وكل يوم فزورة جديده ونكته جديده
كمان انا ملاحظه انه احنا مش بنتكلم غير فى الحب او عن الحب حتى دول هما القسمين الوحيدين الممتلئين فى المنتدى ماحدش متابع الرياضه ولا حد بيجيب موضوع سياسي او ثقافى او حد بيقول معلومات عامه نتزود بيها
وطبعا كل الكلام ده ينطبق عليا انا اولكم ياريت نحاول مع بعض نغير طريقة النقاش فى المنتدى ونغير مواضيعنا وده طبعا مش معناه مانتكلمش عن الحب او مشاكله
ياريت تفيدونى بارائكم وتشاركونى فى هذا الاقتراح
شكرا لمروركم الكريم واتمنى التوفيق للجميع

وعليكم السلام يااميرة منتدانا الجميله

انا اول واحد اوافقك فى كلامك كله جملتا وتفصيلا
وانا اول واحد كتبت نكت كتير وتانى يوم شوفت الناس فى الشارع مبوزه ومابتضحكش قلت من نكتى فبطلت اكتب تانى

ودا الرابط https://elsoltan.yoo7.com/montada-f9/topic-t28.htm

ههههههههههههههههههههه
لالالالا يابيبو اازاى بقي دا انا ما اقترحتش موضوع النكت ده الا عشان نسمع نكتك ياباشا
واكيد هتكون انت اكتر واحد فينا يقول نكت
اشكرك للمشاركه برايك
بجد عززت موقفى

اشكرك على كلماتك الرقيقه قليله فى عددها ولكنها كثيرها بمعانيها الرائعه
واستشفيت من تلك الكلمات موافقتك على اقتراحى
اشكرك على حسن التقدير وعلى مرورك الغالى

وعليكم السلام ورحمة الله يا بطوط انتى وحشتينى اوى وكمان وحشتنى مواضيعك وردودك انا شايفه انك وقفتى الكتابه فى مجال المطبخ ليه بس كده يا بطوط دانتى اللى بتأكلينا ههههههههههه
اشكرك على ردك الجميل اللى بجد حفزنى اوى انى اقول كل شئ يخطر ببالى
وانتظر منك المزيد
ملكة الاحساس اللى هي فعلا ملكة المنتدى
اشكرك على كلماتك الرائعه التى تدل على رقتك ورقة اسلوبك
كما ان هذه الكلمات قد شجعتنى خاصة وانها اول مشاركه منك فى موضوع من موضوعاتى
اشكرك على مرورك الكريم
بجد يا جماعه انتم حسستونى بوجودى من خلال ردودكم على هذا الاقتراح وانا بشكركم جميعا على مشاركاتكم فى هذا الموضوع واتمنى التوفيق للجميع